Poetry Slam op Platt: Einstein die Zweite

Ein herzliches Moin Moin aus dem viel zu kalten hohen Norden!

In der letzten Woche hatte ich die Ehre, im Schleswig-Holsteinischen Landtag beim ersten Platt Poetry Slam aufzutreten. An dieser Stelle ein großes "Dankeschön!" an die Veranstalter und die anderen Slammer, es hat riesigen Spaß gemacht (und das Catering war super)!

Auf die Bühne kamen sowohl Teil eins als auch die brandneue Fortsetzung der Geschichte um Einstein, Elvis und Schrödingers Katze. Teil zwei mit aktuellen Themen wie Flüchtlingsunterbringung und Bahnstreik. 

Einen Nachbericht sowie das komplette Video des Slams findet ihr hier.

Und Teil zwei der Geschichte um die zwei Herren und die Katze (oder auch nicht...) zum Nachlesen möchte ich euch natürlich auch nicht vorenthalten.

Also, Bühne frei für abstruse Physik:

Nie weller Ravioli oder ok: 42

Luftschutzbunker ünner de Bielefelder Maggi Fabrik, mol wedder.

Wie schrieben dat Johr 2242 und unsere Fründe, Einstein, Elvis und Schrödingers Katt sidden tosom und eeten Ravioli ut de Mikrowell. De geit tum Glück noch, nodem Einstein de Katt vor een poor Lichtjohr dor in fast verbrutzelt har.

Elvis is wie immer mit sien Tolle beschäftigt und bannig ant Lamenteern. Emm is nämlich vör een poor Lichtjohr dat „Drei Wetter Taft“ utgoon und sietdem benutzt he de Reste ut de Raviolidosen als Festiger.

De annern hem em dorför schon dat een oder annere Mol watt oppe Schnut haut, avers he lett sik nich vun sien Frise avbringen. So kummt dat manchmol vör, datt Schrödinger Katt in sein Hoor hangt und sik ganz entscheeden dor an fasthölt, obwohl datt sunst gor nicht ehr Ohrt is.

Avers de fehlende Festiger is nich dat eenzige Problem vun unse överblevenden Fründe. De Apokalypse is noch schlimmer worn, sietdem Einstein de Hadronenbeschleuniger inne Schweiz in Schutt und Asche leggt hett und außerdem noch Morgan Freeman beleidigt hett. Sietdem worn se all tohopen exkommunizeert und mött nu wedder als Heiden leven. Datt passt vör allem Einstein nich, de so lang an sein Avhandlung över Religion und Wissenschaft schreven hett, datt he nu befürchtet, sein Gesich to verleern, wenn datt rutkümmt. Schöne Schiet.

Elvis stört eenfach nur, datt he nich mehr to Kark gohn kann, weil datt de eenzige Gelegenheit weer, wo he singen kunn. Vun sein Mitbewohner weer em datt nämlich verboten worn.

Nich mol ünner de Dusche, datt stell man sik mol vör! Ut Protest duscht he jetzt gor nicht mehr.

De Katt is dat egol, se dörf eh nicht inne Kark rin.

De Stimmung inne Luftschutzbunker is op jeden Fall so schlech, datt sik all tohopen överlegen, ut to wandern. Bloß wo henn?

Direkt anne nüe Hyperraumumgohungsstroot muchen se nich wohnen, alleen schon wegen de Katt. Bi de weet man schließlich nie, wo de jüs opdukt.

Und op de Mars wullen de dree ok nich wohnen, obwohl dor schon siet Johren Leven möglich is.

Allerdings hemm dit Johr de Anhänger vunne Quantentheorie de Wohl to datt 42. marsianische Parlament gewunnen. Also kann Einstein dor als bekennende Anhänger vunne konkurreerende Relativitätstheorie op keen Fall opduken. Bevör datt passeert mutt erst de Erdkern op -273,15° C avköölen.

Und so wiet is datt nur ok noch nicht koom.

Weil se sik alle nich eenigen kött, entscheeden se, eenfach datt nächstbeste Raumschiff to nehmen und eenfach een beeten Work and Travel to moken, weil se nicht weeten watt se sunst mit emme Tiet anfangen schött.

Anne intergalaktische Bohnhoff in Hamburg-Altona stott se vergeblich, schon weller Streik vunne Raumschipp-Piloten. Also töven se op datt nächste Frachtschiff und beamen sik an Bord.

De nette Nebeneffekt vunne Quantentheorie find sogor Einstein in Ordnung. Mann gut, se hepp all emme Handöker inpackt. Denn datt is de oberste Regel int Universum: Wenn du per Anhalter fohrst: Denk immer an dien Handook.

Bruken kannst du datt immer. Egol op to avwischen vun een schietige Sitz oder to Hände avdrögen, weil dat Handookpapier inne Raumschifftoilette mol wedder leer is. Op Elvis sein Handook schlepp im Moment de Katt und verschwint vun Tiet to Tiet. Einstein mokt sik Sorgen dorum, op de ständige Quantentunnelung nicht langsam to veel vör de Katt is, tomol se sik so schnell bewegen, datt uk de Utwirkungen vun de Relatitvität op de Masse nicht to venolässigen sünt.

JoJo-Effekt is schließlich vör Menschen uk nicht gesund.

Elvis pult sik, wie immer, in sein Hoor rum und fodert de Katt mit Ravioli-Krömel, de he dorbi find.

Einstein kick ut Finster vun dat Transportschipp und beluhrt sik de Log dor buten. Datt Weller is schlecht, schlimme Sunnenstürme wüten buten und övertönen de kosmische Achtergrundstrohlung.

Vörut is datt „Restaurant ant Ende vunt Universum“ to seen und Einstein krigt ganz plötzlich een richtigen Janker op watt anneres als Ravioli. Gau seggt he Elvis Bescheed und de packt gau de Katt ünner de Arm und hofft, datt se nicht glieks wedder wech is. Denn springen se av und benutzen emme Handööker als Fallschirme.

Temmlich unsanft landen se vör dat Restaurant und got glieks rin.

Binnen rükt datt wunnerbor no Burger, Pommes und Koken.

Avers bevör se sik henseeten und bestellen kött, kümmt een Polizist vunne Intergalaktische Flüchtlingssonderkommando und frogt se no de Papiern.

Einstein und Elvis kieken sik an und beide is klor, datt se vergeeten hemm, de Papiern ut de Luftschutzbunker in Bielefeld mit to nehm.

„Schöne Schiet“, denkt Einstein und versöcht feverhaft, een Utrede to erfinnen.

Funktioneert nich.

„Ähhmmm, ik glöv, unse Papiern hepp datt bi de Quantentunnelung nich ut de Potenzialputt schafft“, stammelt Einstein und kick de Polizist beschämt an.

„Datt deit mi Leed, mit de Relativitätstheorie weer datt nich passeert...“, erdreistet he sik noch so seggen.

Datt datt de falsche Argumenatiton weer, marken he und sein Kumpanen erst, als se sik int Flüchtlingsloger anne butere Rand vunt Universum wellerfinnen. In een verkohlte Gegend, weil de letzte Sonneneruption wohl watt gegen Flüchtlinge harr.

Ravioli giv datt hier ok nich, nur Bohnen ut een grote Putt vör alle, de hier stranded sünt, wo statt Wellen anne Strand de Achtergrundstrohlung in Longitudinal- und Transversalwellen anne sünnenverbrennte Deel spölt und se nur emme Handöker to schlopen hepp.. Hier wech koom warn se wohl in de nächsten Johr nich, Residenzpflicht gilt ok hier.

Man kann ehm nich alles hemm, wah.